開始了新工作,沒想像中興奮。架構雖沒想像中繁複,但人事關係不見得就相對簡單。許是Rosie 太心急,頭兩天應該都是別人口中揭File 過日辰的Honeymoon week,但看見別人在忙,自己卻悶到生菇,更要眼睜睜看著有人開始霸地盤、而天生大無畏的Rosie 卻因入職時間只得兩天實在太短而要扮啞妹唔出聲,興奮感覺實在是直線插水。
一個新上任半載、無管理技巧、用人唯親的經理;
一個早兩星期入職、好像帶點機心的上級;
一個工作了八年、對經理不甚滿意的下級;
一個工作了兩年、直腸直肚的下級;
一個新入職幾個月、經理的舊相識親信下級:
滿屋女人堆,Rosie 該如何自處?
5 則留言:
woo...看來是連續劇的season 1第一集。
haha...
我也是待業中呢!
噢...成堆女人!煩!
我朋友個朋友,原來之前在你公司做,我朋友話佢因為太悶而離開。不過,通常初初返工都覺得好悶、無野做。然後就會問自己,揀左呢份工係咪正確?但無論如何,暫且加油吧!
rosie唔好咁心急,而家你都未真正掌握你o既工作,睇定d先啦 :)
risme:
對呀,連續劇這幾天真的日日精彩日日甘呢!都唔知我頂得順幾耐。
wing︰
「揀左呢份工係咪正確?」 的確係我呢幾日不斷諗o既問題,雖則我唔會後悔,但真係要諗下係咪應該引刀成一快!
吉蒂︰
我都知我係心急左少少,不過暫時睇唔到d 咩前景,有d d 心灰...
雖然期待精釆內容,不過都希望只係有趣唔係麻煩嘢啦!
GoodLuck
發佈留言