首個壽辰無法一起慶祝,甚至連電話也無法給你打上一個。唯有借各種可行的渠道都給你來一個「生日快樂」吧!你有心來看blog 便會看到,無心追看的,sorry,你唔好彩咯!
我覺得呢個男仔有九成似你呀!
自己戴眼鏡祝自己生日,呢個idea 係咪醒先?hohoho
祝賀大力大人生日大快樂!你的露絲
.
我覺得呢個男仔有九成似你呀!
自己戴眼鏡祝自己生日,呢個idea 係咪醒先?hohoho
祝賀大力大人生日大快樂!從朋友手上搶來了一本由某著名纖體集團編著的小冊子,詳細列明纖體時的飲食要點。人家要付數千至數萬元買 packge 才享受到的「秘技」,Rosie就這樣免費的搶過來了。滿心歡喜,好比當年強搶同學在某補習名家處真金白銀上堂而換取的「考試天書」一樣。反正不用(我)錢,看看又何妨?搶了回來算不上甚麼,婆仔 Rosie 決定貼出來公諸同好,這才算功德無量。
纖體秘技命名為《宇宙自然飲食法》,名字簡直有雷霆萬轟之勢。架勢到如斯地步,減肥失敗斷估都係閣下出問題啦,關纖體公司甚麼事?
《宇宙自然飲食法》重點︰
1. 七天為一個循環,當中必須有兩天為全菜日 (即全日只可食蔬菜)。
2. 兩天全菜日,早餐必須吃乳酪及蔬菜,只可吃澱粉質類蔬果及高水份纖維類蔬果、粗粒全麥包,其他一概不可。如有需要,可於早餐或午餐後兩小時喝脫脂奶或豆漿,但不可吃肉湯、肉類調味料、與肉類一起烹調的蔬菜、蛋及燕窩等。
3. 其餘五天正常用餐的飲食重點如下︰
4. 烹調食物時,以少油為主,避免用煎炸炒的方式,最好以蒸、燴、煲、白灼、焗、烘等,家中最好使用易潔鑊。
5. 調味料的使用量要少,尤其是糖、鹽、味精、雞粉、蠔油等。
有一個問題,Rosie 要是能100% 依循以上煩到爆的飲食要點,真的還需要參加纖體療程嗎?不明白。
.
其實Rosie 知道這樣很變態,變態在不顧一切心力時間,只求一啖氣、只求看順眼。幸好Rosie只有半邊處女血統,否則多多心力都死。
知唔知要一個脫離試場好多年的中女,擠在侷促的會議室裡做筆試,實在是一件累到不行的苦差?
排名不分先後︰
1. 橫衝直撞人
拜託,擺明見到車門已經關緊、擺明見到裡面嘅人已經逼到不似人形,而閣下亦非趙飛燕能跳掌上舞的話,拜託不要再在關門時衝入車廂、再凌空跳起、用背脊把所有人向後壓,好嗎?閣下用背脊"得"住全世界,眼不見不代表無問題,你知道後面有多少人因為你圓渾的身材而被擠壓得要命嗎?你知道車門和幕門因為你無法收好凸出的肚腩 /手腳 /手袋皮包而重覆開門關門多少次嗎?
拜託,港鐵在繁忙時間平均1至2 分鐘已有一班車了。
2. 唔睇報紙一陣會死人
Rosie知你關心時事,但當大家都逼到想爆粗嘅時候,請問閣下仲係咪需要揚到份報紙咁大去睇呢?知唔知你份報紙會撩到人又痕又煩呢?知唔知我今日著咗件白色衫,好怕被報紙啲油墨整污糟呢?知唔知如果唔係你堅持要張開份報紙,車廂會多好多位,俾多幾個趕時間返工嘅心急人上車呢?你睇報紙都係想吸收知識啫,麻煩學下點樣做一個有公德心嘅人先。
3. 執輸爭位慘過敗家人
當全世界都要企,突然有位坐的確好吸引。不過只要Rosie 見到你露出貪婪而不顧一切的眼神,其實都已經會識做讓路。你真係無必要起勢批踭、撞開我飛撲埋個位度架噃。坐低咗,仲要嘴藐藐、眼超超,嫌我之前阻住你?你無嘢下化!
4. 粗口人 / 雞蟲人
粗口已經演變成助語詞,無辦法戒得甩?斷估你唔會對住老細 / 女朋友阿爸阿媽 / 見工途中 / 拜年都照講粗口啩,咁麻煩你喺公共車廂都收斂少少。唔係叫你零粗口,但左一句9、右一句7、頭一句兮、尾一句老母,真係好礙耳。係咪最起碼可以細聲少少呢?
另,各位北上尋歡嘅雞蟲們,Rosie 真係無興趣知你琴晚上咗條咩索女 / 索女三圍數字 / 白白淨無性病 / 點樣瞞住老婆上去搞搞震 / 無帶套好鬼爽 / 點樣高潮起伏 / 各自施展渾身解數。呢啲野你留返同骨精強講OK 啦,無必要公諸同好 。車上面仲有好多小朋友,性教育 "笨"唔係咁樣架!
5. 朋友無分彼此人
照顧朋友係好,有福同享更係好到極。但你個 friend 唔等如我個 friend 喎,成排櫈明明只坐得四個人,你硬係要同朋友一齊分享的話,咁麻煩叫佢坐你大脾啦,坐唔落第五個架喇。Rosie 個豪華臀有返咁上下份量,仲要逼埋逼埋讓半邊身位俾你同人有福同享呀?我好難受架!
再者,若然Rosie 唔係慣性低頭睇書,望唔到附近有婆婆公公孕婦傷殘的話,無論Rosie 再衰都一定會讓位嘅。你唔駛起勢推個當事人企係我面前,然後又用言語暗示架喎。同埋,你事後果兩聲「唔該」好假囉!
6. 霸位人
個位係俾人坐,行李麻煩放地下啦。大家都俾咁多錢,點解我要企,而你啲行李可以坐?Rosie 年中都幫人拎起唔少報紙 / 手袋 /行李 /貨,絕對唔想下一個係你,更加唔會俾你啲大模斯樣同眼啤啤凶到囉。
7. 疑似色魔人
作為男人查實有啲蝕底,好容易被當成色魔辦,不過有啲情況真係可以避免。架車咁逼,係咪一定要郁身郁勢呢?對手係咪可以定落嚟,唔好一時摸頭、一時拉衫、一時摷袋、一時整MP3?不如插下袋、捉住扶手,再唔係撬埋都OK 喎。個身亦可以企直少少,唔駛左挨右傍丫。對眼都俾啲面減兩分淫邪啦。雖然男人身材係橫啲,但你老遠都見到我行埋嚟架啦,點解唔可以互相讓一讓,總係鍾意撞埋嚟呢?Rosie 願意相信你係好男人,但麻煩你都 be a gentleman丫!
8. 柱男柱女
扶手係用對手去扶,並唔係用個身去挨。你挨住咗,其他人點樣扶呢?Rosie 扶唔到,結果失平衡跌親,你又會唔會可憐我或者賠醫藥費?咪怪Rosie 起勢鑽隻手入去扶、仲要屈起手指"銳"你!
9. 聲污染人
你可以打機、聽收音機、用MP4 睇戲,Rosie 無權阻止,不過呢個世界有耳筒,駛唔駛我教你用?Rosie 真係唔想聽你睇緊咩戲呀!!!
10. 無聊人
搭車咪搭車囉,你講咁多野為乜?人地衰人地事,唔搞到你就算啦,扮咩正義之士數十大港鐵惡人?話緊你係無聊人呀Rosie!
有沒有看 Julia Roberts 的 "Sleeping with the Enemy"? 要每天與最討厭的東西為伴,真的好討厭。不錯,港鐵 (shit, 這名字叫得怪別扭的,Rosie 承認我是80年代產物,始終認為火車是火車,地鐵是地鐵) 的確時間準繩,兼且每次失誤均有傳媒報導,遲到也有理據向老闆交代,是每天上班的好拍檔,但它同時也是Rosie最喜歡不來的交通工具。
每天討厭上班,上班還要乘搭討厭的交通工具,Rosie唯有︰
幸好,Rosie 前兩天探望的BB 女是個罕有的美女,眼大大、面圓圓、頭髮濃密、安靜、愛睡........Thank God!!!!!!!!!!!!!!